თავდაცვის მინისტრი, ირაკლი ალასანია სოფლის მეურნეობის სამინისტროში იმყოფებოდა. როგორც ალასანიამ ჟურნალისტებს განუცხადა, დავით კირვალიძესთან მთავრობის სხდომაზე გასაუბრება ვერ მოახერხა და სამინისტროში ამიტომ მივიდა.
"მე მთავრობის სხდომაზე დათოსთან დალაპარაკება ვერ მოვასწარი. დღეს მივლინებაში მივდივარ და გამგზავრებამდე შემოვუარე. მომიყვა, როგორ მიიღო თანამდებობის დატოვების გადაწყვეტილება. დარწმუნებული ვარ, რომ გამოძიება დასრულდება და დადგინდება ობიექტური ჭეშმარიტება. მართლაც ვაჟკაცური გადაწყვეტილებაა, რომ პოლიტიკური პასუხისმგებლობა თავის თავაზე აიღო", - განაცხადა ირაკლი ალასანიამ.
თავდაცვის მინსიტრის თქმით, დავით კირვალიძის გადადგომას პრემიერმინისტრი ძალიან განიცდის.
"მის გადაწყვეტილებას ყველანი განვიცდით, პრემიერმინისტრი კი პირველ რიგში, თუმცა დათო კირვალიძე გააგრძელებს ამ პერიოდში რჩევების მოცემას’’ , - აღნიშნა ალასანიამ.
შეგახსენებთ, სოფლის მეურნეობის მინისტრმა, დავით კირვალიძემ თანამდებობის დატოვების გადაწყვეტილება მიიღო. მან უფლებამოსილების შეჩერების თხოვნით მთავრობას დღევანდელ, 2 მაისის, სხდომაზე მიმართა.
სოფლის მეურნეობის სამინისტრო