შინაგან საქმეთა სამინისტრომ, თბილისის მერიის მიერ გავრცელებულ აუდიოჩანაწერთან დაკავშირებით განცხადება გაავრცელა. განცხადებას ტაბულა უცვლელად გთავაზობთ:
,,სამწუხაროა, რომ ოპოზიციური პოლიტიკური გუნდის წარმომადგენლები დედაქალაქის თვითმმართველობაში ისევ ძველი მეთოდებით, ფაბრიკაციებით აგრძელებენ ხალხთან ურთიერთობას. საზოგადოებისთვის ეს მეთოდები კარგად ცნობილია და ამაზე ამომრჩეველმა მკაფიო უარი თქვა 1 ოქტომბერს ჩატარებულ არჩევნებში. შინაგან საქმეთა სამინისტრო და პროკურატურა უმოკლეს ვადაში გაარკვევენ სიმართლეს და გააცნობენ საზოგადოებას, თუ რეალურად რას წარმოადგენს მერიის მიერ გამოქვეყნებული ფარული ჩანაწერი და სინამდვილეში რასთან გვაქვს საქმე’’.
შეგახსენებთ, მერიის პრესსპიკერმა ბაჩო დოლიძემ სპეციალური განცხადება გააკეთა და აღნიშნა, რომ შპს ჰერმესთან დაკავშირებით მოსალოდნელია პროვოკაცია. როგორც ბაჩო დოლიძე აცხადებს, მოსალოდნელი პროვოკაციის შესახებ მერიას შპს ჰერმესის ყოფილმა თანამშრომელმა მიაწოდა ინფორმაცია და აუდიოჩანაწერი.
