საპარლამენტო უმრავლესობამ იუსტიციის უმაღლეს საბჭოში ასარჩევად ნაციონალური მოძრაობის კანდიდატ ლევან ბეჟაშვილს მხარი არ დაუჭირა. მის კანდიდატურას 54-მა დეპუტატმა მისცა ხმა. კენჭისყრის წინ, უმრავლესობის წევრმა დავით ბერძენიშვილმა კოლეგებს სთხოვა მხარი დაეჭირათ ბეჟაშვილისთვის, რადგან საერთო სასამართლოების შესახებ კანონის მიხედვით, იუსტიციის უმაღლეს საბჭოში პარლამენტარებისთვის განკუთვნილი 4 ადგილიდან 1 უმცირესობას ეკუთვნის.
კენჭისყრის შემდეგ უმცირესობის წევრებმა სხდომა პროტესტის ნიშნად დატოვეს.