საქართველოს პრეზიდენტმა მიხეილ სააკაშვილმა 2008 წლის აგვისტოს ომში დაღუპული ქართველი სამხედროს, კაპრალ რეზო ალავერდაშვილის ოჯახს თანაგრძნობა გამოუცხადა.
აგვისტოს ომში დაღუპული 21 წლის კაპრალ რეზო ალავერდაშვილს ამ დრომდე უგზო-უკვლოდ დაკარგულად მიიჩნევდნენ და მისი იდენტიფიცირება დნმ-ის ანალიზით გახდა შესაძლებელი.
კაპრალი ალავერდაშვილი საქართველოს შეიარაღებულ ძალებში 2007 წლიდან IV ქვეით ბრიგადაში მსახურობდა და იგი დაჯილდოებულია მედლით - "სამშობლოსათვის თავდადებული".
ქვეყნის პირველი პირი სამძიმარს უცხადებს გარდაცვლილის ოჯახს, მის ახლობლებსა და თანამებრძოლებს.
კაპრალი რეზო ალავერდაშვილი 3 ნოემბერს მშობლიურ სოფელ ნიჩბისში დაკრძალეს.
