დღეს გამართულ პრესკონფერენციაზე იუსტიციის მინისტრმა თეა წულუკიანმა საკონსტიტუციო ცვლილებების შესახებ ისაუბრა და განაცხადა, რომ ერთ-ერთი პირველი ცვლილება, რომელსაც ახალი მმართველი გუნდი განახორციელებს, პარლამენტის თბილისში დაბრუნებაა.
წულუკიანის თქმით, პარლამენტის ქუთაისში გადატანა მოუმზადებელი პროცესი იყო და „ამისთვის არავინ იყო მზად“.
„საკანონმდებლო ხელისუფლება უნდა იყოს იქ, სადაც არის მთავრობა და უნდა განახორციელოს მასზე ეფექტური კონტროლი“, - აღნიშნა იუსტიციის მინისტრმა.
