საქართველოს ახლადარჩეულმა პარლამენტმა ვიცე-სპიკერები დაამტკიცა. პარლამენტის თავმჯდომარის პირველი მოადგილე, 92 ხმით არცერთის წინააღმდეგ მანანა კობახიძე გახდა.
კენჭისყრის შედეგად ვიცე-სპიკერები გახდნენ ასევე ზურაბ აბაშიძე და ზვიად ძიძიგური.
უმრავლესობის მხრიდან წარდგენილმა ზურაბ ტყემალაძემ, ხარჯების დაზოგვის მოტივით, ვიცე-სიკერის თანამდებობაზე უარი განაცხადა.
საპარლამენტო უმცირესობის მიერ წარდგენილი გიორგი ბარამიძე ვიცე-სპიკერად 92 ხმით 27-ის წინააღმდეგ აირჩიეს.
აჭარის ავტონომიური რესპუბლიკის კვოტით პარლამენტის თავმჯდომარის მოადგილედ აირჩიეს მურმან დუმბაძე. მის კანდიდატურას მხარი 81–მა დეპუტატმა დაუჭირა.
შეგახსენებთ, საქართველოს მერვე მოწვევის პარლამენტმა, საკანონმდებლო ორგანოს თავმჯდომარის პოსტზე დავით უსუფაშვილი დაამტკიცა.
