თბილისის სახელმწიფო უნივერსიტეტის პირველ კორპუსთან ლაბორატორია 1918-ის წევრებისა და სხვადასხვა სტუდენტური გაერთიანებების შეხვედრა გაიმართა. შეკრებილი სტუდენტები ამ წუთებში საქართველოში გაეროს წარმომადგენლობის ოფისისკენ მიემართებიან, რის შემდეგაც სავარაუდოდ ფილარმონიასთან დაგეგმილ აქციას შეუერთდებიან.
უნივერსიტეტის ეზოში მივიდა ლაბორატორია 1918-ის წევრი სანდრო ცაგარელიც, რომელიც პოლიციამ გუშინ დააკავა. მისი თქმით, პოლიციის მხრიდან მასზე ზეწოლა არ ყოფილა.
შეგახსენებთ, სანდრო ცაგარელს პოლიციისთვის წინააღმდეგობის გაწევის მუხლით ჯარიმა დაეკისრა 400 ლარის ოდენობით.
ლაბორატორია 1918-ის წევრების ინიციატივით იქმნება სტუდენტთა საორგანიზაციო ჯგუფი, რომელიც შემდგომ აქციებს დაგეგმავს.