კოალიცია ქართული ოცნების ლიდერმა ბიძინა ივანიშვილმა რეგიონის ექვს და თბილისის ათ მაჟორიტარულ ოლქში კანდიდატები დაასახელა.
დედაქალაქში კოალიცია შემდეგ კანდიდატებს წარადგენს: მთაწმინდა – ზაზა პაპუაშვილი, ვაკე – შალვა შავგულიძე, საბურთალო – დავით უსუფაშვილი, კრწანისი – შოთა ხაბარელი, ისანი – ნუკრი ქანთარია, სამგორი – ზურაბ აბაშიძე, ჩუღურეთი – ვიქტორ დოლიძე, დიდუბე – ვახტანგ ხმალაძე, ნაძალადევი – თეა წულუკიანი, გლდანი – სოსო ჯაჭვლიანი.
რაც შეეხება რეგიონებს, საგარეჯოში კოალიციის სახელით – თინათინ ხიდაშელი, ჭიათურაში – მალხაზ წერეთელი, ხონში – ნიკა სანოძე, მარტვილში – მურთაზ ხურცილავა, წალენჯიხაში – გიორგი ნაჭყებია და ამბროლაურში დავით დარახველიძე იყრინ კენჭს.
ბიძინა ივანიშვილმა პრესკონფერენციაზე აღნიშნა, რომ კონსულტაციები გრძელდება 5 მაჟორიტარულ ოლქთან - ზუგდიდის, ცაგერის, მარნეულის, ახალქალაქისა და ნინოწმინდის რაიონებთან დაკავშირებით და აღნიშნულ ოლქებში შერჩეულ კანდიდატებს უახლოეს დღეებში წარადგენენ.
კოალიციის ლიდერმა პრესკონფერენციაზე ჟურნალისტების შეკითხვებსაც უპასუხა.