საქართველოს ბერძნულ-რომაული სტილით მოჭიდავეთა ნაკრების ორმა წევრმა დღეს ოლიმპიადის ლიცენზიები მოიპოვა: რევაზ ლაშხმა (60კგ) და ვლადიმერ გეგეშიძემ (84კგ) ლონდონში ასპარეზობა გაინაღდეს.
ბეგი დარჩიას გაწვრთნილმა გუნდმა დღეს ფინეთის დედაქალაქ ჰელსინკში, საერთაშორისო ტურნირზე ოქროს და ვერცხლის მედლები მოიპოვა: ლაშხმა პირველი ადგილი დაიკავა, გეგეშიძე კი მხოლოდ ფინალში დამარცხდა.
დღესვე გაირკვა, რომ საქართველოს ნაკრებს 55კგ წონით კატეგორიაში ოლიმპიადაზე წარმომადგენელი არ ეყოლება: ჰელსინკში ქემალ ხარაბაძე მეოთხედფინალში დამარცხდა და მთავარ მიზანს - ლონდონის ლიცენზიას ვერ შეწვდა.
