ტელეგრამ-არხებზე გავრცელებული ცნობების მიხედვით, უკრაინის არმიამ 3 ივლისის ღამის საათებში რუსეთის ქალაქ ბელგოროდში ენერგოაღჭურვილობის ქარხანას დაარტყა.
სოციალურ მედიაში გავრცელებული ვიდეოებიდან ჩანს, რომ ბელგოროდში მდებარე ქარხანაში, რომელიც რუსეთში ენერგოაღჭურვილობის მთავარი მწარმოებელია, ხანძარია.
უკრაინული ტელეგრამ-არხების ინფორმაციით, ქარხანა რუსეთის ელექტროსადგურებისთვის, ასევე ნავთობისა და გაზის სექტორისთვის, აღჭურვილობას აწარმოებს.
უკრაინის არმიას იერიშთან დაკავშირებით კომენტარი ჯერჯერობით არ გაუკეთებია.
