არაბთა გაერთიანებული საამიროების ფედერალური ეროვნული საბჭოს თავდაცვის, საგარეო საქმეთა და შინაგან საქმეთა კომიტეტების თავმჯდომარე, ალი ალ-ნუაიმი უარყოფს მედიაში გავრცელებულ ცნობებს, რომ ქვეყანამ 8 მარტს ირანის წინააღმდეგ იერიში მიიტანა.
ამის შესახებ ალ-ნუაიმიმ X-ზე ისრაელელი ჟურნალისტის, ამიხაი შტაინის პოსტს უპასუხა, რომელიც შტაინმა მოგვიანებით წაშალა.
"ეს ცრუ ამბავია. როდესაც რამეს ვაკეთებთ, გამბედაობა გვყოფნის, რომ ის გამოვაცხადოთ". - დაწერა ალ-ნუაიმიმ.
ცნობისთვის, მანამდე, ისრაელური მედია ინფორმირებულ წყაროებზე დაყრდნობით წერდა, რომ არაბთა გაერთიანებულმა საამიროებმა ირანზე იერიში მიიტანა.
