ღია წყაროები დაზვერვის (OSINT) ანალიტიკოსები ფრენების ონლაინ მონაცემებზე დაყრდნობით წერენ, რომ აშშ-ს საჰაერო ძალების ათობით სამხედრო თვითმფრინავი ახლო აღმოსავლეთის მიმართულებით მიფრინავს.
OSINT ანალიტიკოსები სოციალურ ქსელებში წერენ, რომ ამერიკული სამხედრო თვითმფრინავების აქტიურობა მაღალია, როგორც აშშ-ს ისე ევროპის საჰაერო სივრცეში.
OSINTdefender წერს, რომ აშშ-ს ცენტრალური სარდლობის კონტროლის ზონაში მალე 24 F-16CJ ტიპის გამანადგურებელი და 36 F-15E ტიპის მოიერიშე თვითმფრინავი იქნება.
საბრძოლო თვითმფრინავებს ახლო აღმოსავლეთამდე საწვავით KC-135 Stratotanker-ის ტიპისა და სხვა სახეობის სამხედრო-სატვირთო თვითმფრინავები ამარაგებენ.
ცნობისთვის, ირანელი ოფიციალური პირი The Wall Street Journal-ს უყვება, რომ მიუხედავად იმისა, რომ აშშ-სთან მოლაპარაკებები გრძელდება, თეირანი შიშობს, რომ ვაშინგტონთან არსებული უთანხმოებები შესაძლოა ვერ გადაილახოს, რაც სამხედრო დაპირისპირების ალბათობას სულ უფრო ზრდის
