18 თებერვლის საღამოდან რუსეთის ძალებმა უკრაინაზე ჯამში 176 დრონით, მათ შორის Shahed-ის ტიპის უპილოტო საფრენი აპარატით მიიტანეს იერიში. აქედან 170 დრონმა სამიზნე წერტილს ვერ მიაღწია.
ამასთან დაკავშირებით ინფორმაციას უკრაინის საჰაერო ძალები Telegram-ზე ავრცელებენ.
დადასტურებულია 103 დამრტყმელი Shahed ტიპის და სხვა ტიპის დრონების ჩამოგდება ხარკოვის, პოლტავის, სუმის, ჩერნიგოვის, ჩერკასის, კიევის, კიროვოგრადის, ვინნიცის, ჟიტომირის, დნეპროპეტროვსკის, ხერსონისა და მიხაილოვის ოლქებში. 67 მტრის იმიტაციური უპილოტო საფრენი აპარატი დამანგრეველი შედეგების გარეშე ლოკაციურად დაიკარგა.
უკრაინის საჰაერო ძალების ინფორმაციით, რუსეთის თავდასხმების შედეგად კიროვოგრადის, ხარკოვის, კიევის და ჩერკასის ოლქები დაზარალდა.
რუსეთის ძალებმა დრონები რუსეთის ქალაქების – ორელის, ბრიანსკის, კურსკის, მილეროვოს, შატალოვოს, პრიმორსკო-ახტარსკის მიმართულებებიდან, ასევე დროებით ოკუპირებული ყირიმიდან გაუშვეს.
