27 იანვრის ღამეს რუსეთმა უკრაინაზე 104 დრონით, მათ შორის Shahed-ის ტიპის დრონებით მიიტანა იერიში. უკრაინის ძალებმა აქედან 57 დრონის განადგურება მოახერხეს, ხოლო 39 ლოკაციურად დაიკარგა.
ამასთან დაკავშირებით ინფორმაციას უკრაინის შეიარაღებული ძალები Telegram-ზე ავრცელებენ.
9:00 საათის მდგომარეობით დადასტურებულია 57 Shahed ტიპის დარტყმითი უპილოტო აპარატისა და სხვა ტიპის დრონების ჩამოგდება კიევის, მიხოლაევის, ხარკოვის, პოლტავას, სუმის, დნეპროპეტროვსკის, ხმელნიცკის, ჟიტომირის, ვინიცისა და ივანო-ფრანკოვსკის ოლქებში.
უკრაინის საჰაერო ძალების ინფორმაციით, რუსეთის დარტყმის შედეგად დაზიანდა დნეპროპეტროვსკის, სუმის, ივანო-ფრანკოვსკისა და კიევის ოლქები. დაზიანდა ინფრასტრუქტურული ობიექტები, საცხოვრებელი და კერძო სახლები.
