მიქანაძე: თბილისელების თხოვნით, აქციის დაწყების დრო 16:00-დან 19:00-ზე გადავწიეთ

დაგეგმილი გვქონდა, რომ თბილისში, საარჩევნო კამპანიის დასკვნითი ღონისძიება 16:00 საათზე გაგვემართა, მაგრამ ძალიან ბევრმა თბილისელმა მოგვმართა თხოვნით, რომ ეს დრო სამუშაო საათებს ემთხვეოდა და ამის გამო, ისინი მოსვლას ვერ ახერხებდნენ - ამიტომ, ჩვენ მივიღეთ გადაწყვეტილება, რომ ხვალინდელი ღონისძიება 16:00 საათის ნაცვლად, 19:00 საათზე დაიწყება [...] ძალიან ბევრ ადამიანს ველოდებით და დარწმუნებულები ვართ, რომ თბილისის ცენტრალური ნაწილი ჩვენი მხარდამჭერებით გაივსება. ქართველი ხალხი, ჩვენი დასავლელი პარტნიორები და საერთაშორისო დამკვირვებლები კიდევ ერთხელ ნახავენ, საზოგადოებაში მმართველი გუნდის მიმართ მხარდაჭერა რაოდენ დიდია.