რუსული კანონი

ლილუაშვილი: პრემიერმა ბრძანა, რომ ვარჰეიმ მეგობრულად გააფრთხილა, ეს მუქარად ჩაითვალა?

უწყება თავად წყვეტს, არის თუ არა სისხლის სამართლებრივი ნიშნები ამა თუ იმ საჯაროდ გაკეთებულ განცხადებაში, ამაზე ჩაითვალა, რომ არ არის ის საკმარისი სისხლის სამართლებრივი დევნის დასაწყებად, ანუ გამოძიების დასაწყებად არ არის სათანადო მტკიცებულებები, იმ ქვეყანაში სადაც მტკიცებულებათა მაღალი სტანდარტი მუშაობს, გამოძიების მაღალი სტანდარტი, ეს არ იყო საკმარისი...

...პრემიერმა ბრძანა, რომ მან [ევროკომისარმა] გამაფრთხილა, მეგობრულად, რათა მიმეღო უსაფრთხოების დამატებითი ზომები, ეს პირდაპირ მუქარად ჩაითვალა?

ჩვენს სამართლებრივ სივრცეში არ არსებობს პრეცედენტი, რომ რჩევის სახით მიცემულ რაღაც სარეკომენდაციო ხასიათზე გამოძიება დავიწყოთ...

... რა [მოიტყუა პარტნიორების თვალში]?  რომ მოკვლას მიპირებდნენ და მემუქრებოდნენო? მან მიიღო მუქარად. სამართლებრივ სივრცეში მიღებული პრაქტიკის შესაბამისად ამ განცხადებაში არ არის საკმარისი ნიშნები იმისა, რომ გამოძიების დაწყების საფუძველი იყოს. გასაგებია ჩემი პასუხი?

სუს-ის უფროსი გრიგოლ ლილუაშვილი კითხვაზე, რატომ არ დაიწყეს გამოძიება პრემიერმინისტრ ირაკლი კობახიძის საჯარო განცხადებაზე, რომ "გამაოგნებელი იყო მუქარა, რომელიც ერთ-ერთ ევროკომისართან სატელეფონო საუბრისას გაჟღერდა".

23 მაისს კობახიძემ თქვა, რომ მასთან საუბარში "ევროკომისარმა ჩამოთვალა მთელი რიგი ზომები, რომლებიც დასავლელმა პოლიტიკოსებმა გამჭვირვალობის კანონზე ვეტოს დაძლევის შემდეგ შეიძლება მიიღონ და ამ ზომების ჩამოთვლისას ახსენა - ხომ ნახეთ, ფიცოს რა დაემართა და ძალიან ფრთხილად უნდა იყოთო".

იმავე საღამოს, უნგრელმა ევროკომისარმა გაფართოების საკითხებში, ოლივერ ვარჰეიმ განცხადება გამოაქვეყნა, სადაც პრემიერმინისტრ ირაკლი კობახიძის ბრალდებებს უპასუხა. ვარჰეის თქმით, კობახიძემ მათი სატელეფონო საუბარი სრულიად ამოიღო კონტექსტიდან და იმგვარად წარმოაჩინა, რომ შეიძლებოდა საუბრის მიზნის მისინტერპრეტაცია.

კომენტარები