კობახიძე: შეიძლება მეგონოს, რომ ვარ ბონაპარტი, მაგრამ თუ არ ვარ, სხვა რამ უნდა დავამტკიცო

მან [ზურაბიშვილმა] პირდაპირ აღიარა, რომ არ აქვს უფლებამოსილება, იყოს ლიეტუვაში, თუმცა კონსტიტუციის დარღვევით მაინც აკეთებს ამას, იმიტომ, რომ მას, მისი აზრით, ხალხისგან შესაბამისი მანდატი აქვს. ხალხისგან მანდატი ვის რაზე აქვს, ეს განისაზღვრება საქართველოს კონსტიტუციით. კონკრეტული თანამდებობის პირები და ორგანოები არიან არჩეული ამ ქვეყანაში კონკრეტული მანდატით და მანდატი რას გულისხმობს შინაარსობრივად, ეს არის სწორედ გაწერილი საქართველოს კონსტიტუციაში. მე შეიძლება მეგონოს, რომ ვარ ნაპოლეონ ბონაპარტი და მისი მოგვარის პაციენტები ამას ამტკიცებენ, მაგრამ თუ სინამდვილეში არ ვარ ბონაპარტი, ამ შემთხვევაში სხვა რამე უნდა დავამტკიცო.