ალტაის რესპუბლიკაში, რუსეთში ვერტმფრენის ჩამოვარდნას ექვსი ადამიანის სიცოცხლე ემსხვერპლა. ინფორმაციას რუსული სიახლეების სააგენტო Interfax-ი ავრცელებს. ავარიის შესახებ ინფორმაცია რუსეთის ფედერაციის საგანგებო სიტუაციების სამინისტრომაც დაადასტურა.
"ვერტმფრენს ტურისტების ჯგუფი გადაჰყავდა. ვერტმფრენი დაშვებისას მავთულს დაეჯახა და სოფელ ტუნგურთან ჩამოვარდა". - აცხადებენ სასწრაფო დახმარების სამსახურში.
შემთხვევის შედეგად კიდევ რამდენიმე ადამიანი დაშავდა. საგანგებო სიტუაციების სამინისტროს პრესსამსახურში აღნიშნეს, რომ შემთხვევის ადგილზე სახანძრო-სამაშველო ბრიგადები უკვე მუშაობენ.
"ჩვენი თანამშრომელი მივიდა ადგილზე. დაშავებულებს სხეულის 90%-მდე დამწვრობა აღენიშნებათ". - ნათქვამია სააგენტოს განცხადებაში.
