14 ივნისს, საბერძნეთში მიგრანტთა ნავის ჩაძირვას, სულ მცირე, 59 ადამიანი ემსხვერპლა, ხოლო ათობით ადამიანი დაკარგულად ითვლება. გაურკვეველია, ჩაძირვის დროს გემზე სულ რამდენი ადამიანი იმყოფებოდა.
ტერიტორიაზე სამძებრო-სამაშველო ოპერაცია გრძელდება. ხელისუფლების თქმით, საბერძნეთის სამხრეთ პელოპონესის რეგიონიდან 75 კილომეტრში, სამხრეთ-დასავლეთით 104 ადამიანი გადაარჩინეს.
CNN-ის ინფორმაციით, კონფლიქტის, გლობალური უთანასწორობისა და კლიმატის კრიზისის გამო, თავშესაფრის მაძიებელი მიგრანტების რაოდენობა საგრძნობლად გაიზარდა.
გაეროს ლტოლვილთა სააგენტოს (UNHCR) მონაცემებით, ევროპის ხმელთაშუა ზღვის რეგიონში მიმდინარე წლის იანვრიდან მარტამდე 36 000-ზე მეტი ადამიანი ჩავიდა, რაც თითქმის ორჯერ მეტია 2022 წელთან შედარებით.