20 აპრილს NATO-ს გენერალური მდივანი, იენს სტოლტენბერგი კიევს ეწვია. ომის დაწყების შემდეგ ეს სტოლტენბერგის პირველი ვიზიტია უკრაინაში.
ვიზიტის ფარგლებში NATO-ს გენერალურმა მდივანმა წმინდა მიხეილის საკათედრო ტაძრის მემორიალურ კედელთან პატივი მიაგო დაღუპულ ჯარისკაცთა ხსოვნას.
ჯერჯერობით უკრაინისა და NATO-ს ლიდერებს ვიზიტთან დაკავშირებით კომენტარი არ გაუკეთებიათ. სავარაუდოდ, იენს სტოლტენბერგი უკრაინის პრეზიდენტს, ვოლოდიმირ ზელენსკის შეხვდება.
