18 მარტს ეკვადორის სამხრეთ ნაწილსა და პერუს ჩრდილოეთით მომხდარ მიწისძვრას, სულ მცირე, 15 ადამიანის სიცოცხლე ემსხვერპლა. დაშავებულია 380-ზე მეტი.
6.8 მაგნიტუდის მიწისძვრის ეპიცენტრი ქალაქ ბალაოდან 10 კმ-ის მოშორებით იყო.
"ჩვენ არ ვტოვებთ ტერიტორიას და ვამოწმებთ მიწისძვრის შედეგად მიყენებულ ზარალს. მინდა იცოდეთ, რომ მე თქვენთან ვარ. სოლიდარობას ვუცხადებ დაზარალებულებს" - წერს ეკვადორის პრეზიდენტი, გილერმო ლასო Twitter-ზე.
მიწისძვრის შედეგად ნანგრევებში მოყოლილი დაზარალებულების გადასარჩენად სამძებრო-სამაშველო სამუშაოები ამ დრომდე მიმდინარეობს.
