კობახიძე: თავის დროზე, ჯაშუშებისთვის თავისი სახელი რომ დაერქმიათ, ბევრ ტკივილს ავიცილებდით

თავის დროზე ჯაშუშებისთვის თავისი სახელი რომ დაერქმიათ, საქართველო ბევრ ტკივილს აიცილებდა თავიდან. დღეს ბოლშევიკური სული ცოცხლობს თანამედროვე სერგო ორჯონიკიძეებსა და გიგლა ბერბიჭაშვილებში. მიხეილ სააკაშვილში, გიგა ბოკერიაში, გიორგი ვაშაძეში, ზურა ჯაფარიძეში, ლევან ხაბეიშვილსა და რადიკალური ოპოზიციის სხვა ლიდერებში. მათ მიერ ბაკურიანის ცნობილ სეხვედრაზე გაწერილი გეგმა რომ განხორციელებულიყო, გასული წლის ივნისში მოხდებოდა ხელისფლების გადატრიალება და სრული პასუხისმგებლობით ვაცხადებ, დღეს თბილისში რუსული ტანკები იდგებოდა. ისინი ზუსტად ისე შემოუძღვებოდნენ რუსულ ტანკებს, როგორც ეს 2008 წლის აგვისტოში გააკეთეს.