საგარეჯოს მუნიციპალიტეტის სოფელ ქეშალოში 35 წლამდე მამაკაცი მოკლეს. ამის შესახებ ინფორმაცია ტაბულას შინაგან საქმეთა სამინისტროში დაუდასტურეს.
როგორც ადგილობრივები და დაღუპულის ნათესავები ამბობენ, მამაკაცი დაახლოებით ღამის 2 საათზე, საკუთარ სასურსათო მაღაზიაში ჩაცხრილეს. დაღუპულის ერთ-ერთი ახლობელის თქმით, მამაკაცს ჭრილობები სახისა და მკერდის არეში ჰქონდა მიყენებული.
როგორც ტაბულას შსს-ში უთხრეს, გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. მომხდარ ფაქტთან დაკავშირებით, უწყებას ამ დრომდე არავინ დაუკავებია.