ტყვეების გაცვლის შედეგად უკრაინაში 14 სამხედრო დაბრუნდა. ამასთან დაკავშირებით ინფორმაციას Reuters-ი უკრაინის სამხედრო ტყვეების საინფორმაციო ცენტრზე დაყრდნობით ავრცელებს.
ცენტრი გათავისუფლებული სამხედროების ვინაობას არ აკონკრეტებს, თუმცა, გავრცელებული ინფორმაციით, გათავისუფლებულებს შორის ერთი სამხედრო ოფიცერია, ერთი კი - მედიკოსი.
ასევე, უკრაინელი ჟურნალისტი, ვოლოდიმირ ზოლკინი Facebook-ზე გაცვლილი სამხედროების ფოტოს აქვეყნებს და წერს, რომ უკრაინელი მებრძოლები სახლში ბრუნდებიან.
"დავიღალე, რადგან გაცვლა 2 დღე გაგრძელდა. რა თქმა უნდა, მთელი პროცესი ჩავიწერე და მოგვიანებით, ვიდეოც გამოქვეყნდება. დაიღალნენ 58-ე ბრიგადის ბიჭებიც, რომლებიც 22 მაისიდან ტყვეობაში არიან. მაგრამ მთავარია ის, რომ ჩვენი მებრძოლები სახლში დაბრუნდნენ.
გაგრძელება იქნება". - წერს ზოლკინი.
![ზარქუა გახარიას პარტიის საჩივარზე: დავფიქრდებოდი, ემანდ სხვანაირი [შედეგი] არ დადგეს](https://api.tabula.ge/files/styles/news_thumb_md/public/photos/2026/06/befunky-collage-39.jpg?h=153c28c1&itok=8DxHMFOe)