ბელარუსის პრეზიდენტი, ალექსანდრ ლუკაშენკო ამბობს, რომ მისი ქვეყნის Su-24-ის ტიპის სამხედრო თვითმფრინავები ბირთვული იარაღის გადასატანად განახლებულია.
"[დასავლეთმა] უნდა გაიგოს, რომ ვერც ვერტმფრენები და ვერც თვითმფრინავები გადაარჩენს, თუ ესკალაციის გზას აირჩევს. ჩვენ, პუტინთან ერთად, პეტერბურგში უკვე ვთქვით, რომ Su[-24] თვითმფრინავებს ბირთვული იარაღის გადატანას მოვარგებთ. თქვენ გგონიათ, რომ ჩვენ უბრალოდ ვყვებოდობთ? ამისთვის ყველაფერი მზად არის!", - აღნიშნა მინსკში ლუკაშენკომ ჟურნალისტებთან საუბრისას.
მას პირობის შესრულების გზებზე არ უსაუბრია. გასათვალისწინებელია, რომ ბელარუს არ აქვს საკუთარი ბირთვული იარაღი და მან სავარაუდოდ ათი წლის წინ გააუქმა თვითმფრინავების Su-24 ფლოტი, თუმცა ეს არ გამორიცხავს, რომ თვითმფრინავის კაპიტალური რემონტი და ექსპლუატაციაში დაბრუნება შესაძლებელია.
25 ივნისს შეხედვედრისას, პუტინმა აღნიშნა, რომ რუსეთი ბელარუსს ისკანდერ-მ-ის სარაკეტო სისტემებს მიაწვდის.
ისკანდერის ბალისტიკურ სარაკეტო სისტემას მოქმედების 500-კილომეტრიანი რადიუსი აქვს და ბირთვული ქობინების გადატანაც შეუძლია.
ბელარუსი არ არის უკრაინის ომის უშუალო მონაწილე, მაგრამ მან უზრუნველყო ლოგისტიკური მხარდაჭერა, როდესაც რუსეთის ძალებს უკრაინაში ქვეყნის საზღვრის გავლით შესვლის ნება დართო.