საქართველოს საპატრიარქო

დეკანოზი ანდრია: მაკვირვებს პრეზიდენტის სტატუსის პათოსი, ჩემს კომენტარში განწყობა არ ყოფილა

საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე საქართველოს პრეზიდენტის, სალომე ზურაბიშვილის განცხადებას ეხმაურება.  

"დღეს საქართველოს პრეზიდენტის გვერდზე გამოქვეყნებულ სტატუსში საპატრიარქოს საზოგადოებასთან ურთიერთობის ხელმძღვანელის რანგში, ჩემდამი უკმაყოფილებაა გამოთქმული. მაკვირვებს საქართველოს პრეზიდენტის გვერდზე გამოქვეყნებული სტატუსის პათოსი. ჩემს კომენტარში არც განწყობა, არც რაიმე ნიშანი, პრეზიდენტისადმი პატივისცემის ნაკლულევანებისა არ ყოფილა.

პრეზიდენტის თხოვნის თაობაზე, პატრიარქთან შეხვედრის სურვილის შესახებ, ჩემთვის ცნობილი გახდა ჟურნალისტის ზარის შემდეგ. დავაზუსტე ამ თხოვნის ფაქტის შესახებ, და ყოველგვარი შეფასების გარეშე ჟურნალისტს გავეცი პასუხი:

დიახ იყო ასეთი თხოვნა პრეზიდენტის მხრიდან, მაგრამ არ მოხერხდა. პრეზიდენტს დღეს სურდა შეხვედრა და არ მოხერხდა. ზოგადად პატრიარქთან შეხვედრა ყოველთვის არ არის შესაძლებელი. დაახლოებით ეს იყო საუბრის შინაარსი. ფაქტს ვერ დავმალავდი და გაუგებარია კონკრეტულად რა შენიშვნას მაძლევს პრეზიდენტი". - წერს ის. 

მას შემდეგ, რაც ცნობილი გახდა, რომ პატრიარქისა და პრეზიდენტის შეხვედრა არ შედგა, სალომე ზურაბიშვილმა განცხადება გამოაქვეყნა, რომელშიც წერს, რომ შეხვედრაზე მისი თხოვნა პირადი ხასიათის იყო, მისივე სიტყვებით, მიზანშეწონილი არ არის, პრესმდივანი საჯარო კომენტარებს აკეთებდეს და "სპიკერმა უნდა იცოდეს, როგორ მოიხსენიოს პატრიარქი და პრეზიდენტი". 

კომენტარები