მივმართავ ხელისუფლებას, მეტი რა უნდა მოხდეს, რომ სიტუაციის სიმძიმე შეიმჩნიოთ. როგორ ვერ ხვდებით, რომ ჩვენი მოქალაქეები შექმნილი ვითარების გამო უკიდურესად სტრესულ მდგომარეობაში არიან.
მოგიწოდებთ:
- დაუყოვნებლივ მოიწვიეთ უსაფრთხოების საბჭო;
- შემოიღეთ დროებითი სავიზო რეჟიმი რუსეთის მოქალაქეებისთვის;
- ეროვნულმა ბანკმა სასწრაფოდ შეიმუშაოს ინსტრუქცია საბანკო სექტორისთვის, თუ როგორ მოიქცნენ შექმნილ ვითარებაში;
თვითშემოქმედება ასეთ დროს ძალიან სახიფათოა.
და ბოლოს, განუმარტეთ საქართველოს მოქალაქეებს, რატომ არის ღია ჩვენი კარი ყველასთვის, გარდა პუტინისადმი კრიტიკულად განწყობილი ადამიანებისა.