ჩინეთის დედაქალაქი რიგით XXIV ზამთრის ოლიმპიადას 4-დან 20 თებერვლის ჩათვლით უმასპინძლებს. საქართველოს ეროვნული ოლიმპიური კომიტეტის სხდომაზე საბოლოოდ დამტკიცდა ქართული დელეგაციის შემადგენლობა.
პეკინის ოლიმპიადაზე საქართველოს სახელით სპორტის 3 სახეობაში – ფიგურული ციგურაობა, სამთო სათხილამურო სპორტი და ციგაობა, 9 სპორტსმენი იასპარეზებს. აქამდე საქართველოს ნაკრები ზამთრის ოლიმპიადაზე ამხელა შემადგენლობით არასდროს ყოფილა წარმოდგენილი.
საქართველოს ოლიმპიური ნაკრების მედროშეები იქნებიან მოთხილამურე ნინო წიკლაური და მოციგურავე მორის ყვითელაშვილი.
2022 წლის ზამთრის ოლიმპიადაზე გაემგზავრებიან:
მორის ყვითელაშვილი – ფიგურული ციგურაობა
ლუკა ბერულავა – ფიგურული ციგურაობა
კარინა საფინა – ფიგურული ციგურაობა
გიორგი რევია – ფიგურული ციგურაობა
მარია კაზაკოვა – ფიგურული ციგურაობა
ანასტასია გუბანოვა – ფიგურული ციგურაობა
ნინო წიკლაური – სამთო თხილამურობა
სოსო ჯაფარიძე – სამთო თხილამურობა
საბა ქუმარიტაშვილი – ციგაობა
სპორტსმენებთან ერთად ოლიმპიადაზე 7 მწრთვნელი გაემგზავრება. ქართული მისიის ხელმძღვანელი მამუკა ხაბარელი იქნება.