ვაქცინაციის მარათონის დროს ველისციხეში გახლდით და იქ შემოდგომის პერიოდი იყო, როდესაც რთველი მთავრდებოდა. მოსახლეობასთან შეხვედრები გვქონდა და ახსნა-განმარტება ვაქცინაციაზე. შემდეგ გვითხრეს, რომ ვენახში ჩავსულიყავით. ცოტა ყურძენი დავკრიფეთ. შემდეგ გვითხრეს, ჩვენი საკუთარი შატო გვაქვსო. მართლაც, ძველი შატო იყო - მე-19 საუკუნის და უფრო ძველი ქვევრებით. ასევე გვითხრეს, კახური შოთი და გუდის ყველი გაგვესინჯა. ამას მე "კახურ ფურშეტს" ვეძახი-ხოლმე. თანამშრომლებთან ერთად ვიყავი და უარი არ ვუთხარით. ჩვენ ყველა აცრილები ვიყავით და ეგ იყო... შეიძლება ქართველს ქეიფი არ უყვარდეს?! გააჩნია ვის წრეში..სამწუხაროდ, მასპინძელმა შემდეგ სიტყვა გატეხა, პირობა არ შეასრულა და ქეიფის ამსახველი ფოტო გადაიღო. შემპირდნენ რომ არაო და..
კორონავირუსი საქართველოში
გამყრელიძე: ველისციხეში მასპინძელმა სიტყვა გატეხა და ქეიფის ამსახველი ფოტო გადაიღო
tbl.ge/5soi
დაკოპირდა
დაავადებათა კონტროლის ეროვნული ცენტრის ხელმზღვანელი ტელეკომპანია იმედის ეთერში.
სექტემბერში გავრცელდა სტუდია მონიტორს ფოტოები, რომელიც წყარომ მიაწოდა, სადაც ჩანს, რომ NCDC-ის თანამშრომლები "მარან ველისციხურში" სადილობისას რეგულაციებს არღვევენ. სტუდია მონიტორში განმარტავენ, რომ მოქმედი რეგულაციების მიხედვით, ღია სივრცეში სკამების საზურგეებს შორის მანძილი უნდა იყოს 1 მეტრი.
ამავე თემაზე
- ცერცვაძე: COVID-19-ის შემთხვევების ზრდა შეინიშნება, ბოლო კვირაში დღეში 300-მდე შემთხვევა იყო
- როგორია COVID-19-ის ბოლო 3 თვის სტატისტიკა საქართველოში – NCDC-ს მონაცემები
- ცერცვაძე: მიზანშეწონილია, საქართველომ გააძლიეროს COVID-კონტროლი ჩინეთიდან ჩამოსულებზე
- COVID-19-ით გასულ 1 თვეში 20 ადამიანი გარდაიცვალა, დადასტურდა 35 719 შემთხვევა
- აზარაშვილი: კოვიდის მართვის მიმართულებით 2023 წელს ბიუჯეტი 400 მილიონით მცირდება