მიხეილ სააკაშვილის პატიმრობა

სააკაშვილი: ციხეში შეყვანისას გამათრიეს მიწაზე, ჩამარტყეს კისერში, მითრიეს თმებით

გაფრთხილების გარეშე დაიწყეს ჩემი გადმოთრევა თანამშრომლებმა, მიუხედავად ჩემი კატეგორიული უარისა, გადმომათრიეს მანქანიდან, კრიმინალების გინების ქვეშ გამათრიეს მიწაზე და რამდენჯერმე ჩამარტყეს კისერში, მითრიეს თმებით და, რა თქმა უნდა, ამ დროს გავუწიე წინააღმდეგობა, ისევე როგორც პალატაში, სადაც რაღაც გაურკვეველი კრიმინალი შესახედაობის მედპერსონალი მომიახლოვდა და ამ დროს, მართლაც ანალიზატორს გავკარი ხელი, იმიტომ, რომ რაღაც ნემსის გაკეთება დაიწყეს ჩემი ნებართვის გარეშე, ჩემი რეაქცია იყო გამოწვეული მთელი ამ ძალადობის და შეურაცხყოფის შემდეგ აღელვებით, ყველა იქცეოდა როგორც ნამდვილი კრიმინალი

მიხეილ სააკაშვილის წერილი მისმა ადვოკატმა, ნიკა გვარამიამ წაიკითხა. იუსტიციის სამინისტროს განცხადებით, ექსპრეზიდენტმა გლდანის ციხეში შეყვანისას პენიტენციური სამსახურის თანამშრომლებს ფიზიკური და სიტყვიერი შეურაცხყოფა მიაყენა. მათივე ცნობით, მიხეილ საააკშვილმა "დააზიანა ძვირდღირებული ტექნიკა". იუსტიციის სამინისტროს გენერალურმა ინსპექციამ გამოძიება დაიწყო.

კომენტარები