კულტურის, სპორტისა და ახალგაზრდობის სამინისტრომ ქართული კარიკატურის ხელშეწყობის კონკურსი გამოაცხადა. კონკურსისთვის გამოყოფილი ბიუჯეტი 10 000 ლარია და სამინისტროს ცნობით, მისი მიზანია "სახვითი ხელოვნების ერთ-ერთი ჟანრის – კარიკატურის აღორძინება და განვითარება საქართველოში; კარიკატურის ჟანრში მომუშავე ხელოვანთა წარმოჩენა, პოპულარიზაცია, მათი ნამუშევრების შექმნისა და გამოფენის გზით".
კონკურსში მონაწილეობის უფლება აქვთ საქართველოში რეგისტრირებულ იურიდიულ პირებს, ფიზიკურ პირებს, ან ფიზიკური პირების ჯგუფს.
სამინისტრომ ასევე გამოცხადა 4 სხვა კონკურსიც – სტუდენტი რეჟისორების სპექტაკლების დადგმის ხელშეწყობა სამინისტროს მმართველობის სფეროში მოქმედ თეატრებში, ქართული ფოტოხელოვნების ხელშეწყობის პროექტი - "ქართული კულტურული მემკვიდრეობის ძეგლების ფოტოგრაფიული აღწერა", ტურისტული გიდებისთვის კულტურის სფეროში სპეციალური ტრენინგ მოდულის შემუშავება, და თანამედროვე დრამატურგიის განვითარების ხელშეწყობა.
