ზუგდიდში ქალს მატარებელი დაეჯახა. ადგილობრივი მედიის ინფორმაციით, დაშავებულია 80 წლამდე ქალი. მისი მდგომარეობა კრიტიკულად მძიმეა. როგორც ცნობილია, ქალმა დაზიანებები ქვედა კიდურებზე მიიღო.
ტაბულას შსს-ში მომხდარი ფაქტი დაუდასტურეს. უწყებამ გამოძიება სსკ-ის 275-ე მუხლის მეორე ნაწილით [რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვისაც ამ წესის დაცვა სპეციალურად ევალება, რამაც ჯანმრთელობის ნაკლებად მძიმე ან მძიმე დაზიანება გამოიწვია] დაიწყო.
