წულუკიანი: ვიწყებთ ოსტატების რეესტრის შექმნას, ესენი არიან – კირითხურო, ქვითხურო თუ სხვა

ჩვენ ძალიან მალე გამოვაცხადებთ იმის თაობაზე, რომ ვიწყებთ ოსტატების რეესტრის შექმნას, ესენი არიან კირითხურო თუ სხვა და მთელი ჩამონათვალია, მათ შორის ჩემთვისაც უცნაური ტერმინისა და სიტყვისა. მჭედელი არ ჰყავს ქვეყანასო იძახიან, მაგრამ არიან, ვთქვათ, ქვის ოსტატებიც და სხვაც, რომელთაგანაც უნდა შევქმნათ რეესტრი და შემდეგ უკვე, სავარაუდოდ, 1 წლის თავზე მზად ვიქნებით, სამინისტრომ მათი სერტიფიცირების პროცესი წარმართოს და ყველა ძეგლს შეეხოს მხოლოდ ის ადამიანი, ვინც ამ საქმის პროფესიონალია და გარემონტება კი არ მიმდინარეობდეს, არამედ რეალური რესტავრაცია...