სამადაშვილი: ჩვენი პოზიციები უცვლელია, პოლიტპატიმრების გათავისუფლება და ახალი არჩევნები

ვერაფერ ახალს ვერ გეტყვით, გარდა იმისა, რომ ნიკა მელიას დაპატიმრების შემდეგ სივრცე რაიმე შეთანხმებისთვის შეამცირა და შეავიწროვა ქართულმა ოცნებამ, ამიტომ ჩვენი პოზიცია არის ნათელი, ჩვენ არასდროს გვითქვამს უარი მოლაპარაკებებზე, მაგრამ იმისთვის, რომ მოლაპარაკებებმა შედეგი გამოიღოს, ამისთვის აუცილებელია, რომ ჩვენ დავინახოთ კონკრეტული ნაბიჯები ხელისუფლების მხრიდან, რაც ეხება პოლიტპატიმრების თემას. ეს თემა თუ არ დაიხურა, ვერანაირი მოლაპარაკებები, ვერანაირ შედეგს ვერ მოიტანს და ჩვენი პოზიცია არის უცვლელი. არსებობს 2 მთავარი საკითხი, პოლიტპატიმრების, როგორც მელიასი, ასევე გიორგი რურუას გათავისუფლება და ვადამდელი საპარლამენტო არჩევნები, რათა ჩვენ ქვეყანაში აღდგეს დემოკრატიული პროცესი. ჩვენ გვქონდა საუბარი იმაზე, თუ როგორ შეიძლება, რა მექანიზმებით და რანაირად შეიძლება დასავლეთმა უზრუნველყოს  კიდევ უფრო დიდი ზეწოლა ქართულ ოცნებაზე, იმისთვის, რომ ჩვენ მივიღოთ შესაბამისი შედეგი, რადგან ყველას ესმის, რომ დღეს პოლიტიკური ჩიხი შექმნა ქართულმა ოცნებამ და ჩვენი დასავლელი პარტნიორების ჩართულობით ჩვენ ვაპირებთ, რომ ამ ჩიხიდან ვაიძულოთ ქართული ოცნება, რომ გამოიყვანოს ჩვენი სახელმწიფო...