"მარტო დარჩენილი ცხოველებისათვის“ ორგანიზატორებმა მიუსაფარი ცხოველების მხარდასაჭერად ახალი კამპანია წამოიწყეს. 2021 წლის კალენდარი, რომლის შეძენაც შესაძლებელია როგორც საცალო, ასევე კორპორატიული შეკვეთით, მიუსაფარი მეტისების ფოტოებითაა შექმნილი, პროექტზე კი 13-მა ქართველმა ფოტოგრაფმა, სრულიად უსასყიდლოდ იმუშავა.
"მას შემდეგ, რაც პანდემიის პირობებში, ქვეყნის მასშტაბით სამუშაო სივრცეები და საკვები ობიექტები კვლავ დაიხურა, მიუსაფრები საკვები წყაროს გარეშე დარჩნენ. განსაკუთრებით მძიმეა მათი ყოფა მაგისტრალებსა და დაუსახლებელ ტერიტორიებზე. კამპანიის ფარგლებში შემოსული თანხა მთლიანად მოხმარდება მარტო დარჩენილი ცხოველების გამოკვებას". – ვკითხულობთ ჯგუფის მედია ანონსში.
ორგანიზატორების აზრით, კალენდარი არ არის მხოლოდ ფინანსური მხარდაჭერის წყარო და მნიშვნელოვან როლს ითამაშებს ამ საკითხზე საზოგადოების ცნობიერების ამაღლების მიმართულებითაც.
ჯგუფი რამდენიმე თვის წინ შეიქმნა, ამ ეტაპზე მათი მთავარი მიზანი მიუსაფარი ცხოველების სიკვდილისგან დაცვაა.
კალენდრის ონლაინ შეძენა ამ ბმულზეა შესაძლებელი.
