აქ [აჭარაში] არის დღეს საქართველოში ბრძოლის წინა ხაზი კორონასთან, ამიტომ, მაქსიმალურად ყურადღებას ვაქცევთ, რომ სიტუაცია, რაც შეიძლება, მალე დასტაბილურდეს. რაღაც პირველი ნიშნები გამოიკვეთა. ვნახოთ, თუ უახლოეს დღეებში ასე გაგრძელდება, შესაძლოა, მივაღწიოთ დასტაბილურებას.
პირველ რიგში, არ ხდება შემთხვევების ნახტომისებური მატება და ეს არის დამაიმედებელი ნიშანი იმის, რომ სისტემა ავლენს ინფიცირებულებს და ამავე დროს, მოსახლეობაც იცავს წესებს გაცილებით უკეთ, ვიდრე ერთი თვის წინ. ასევე, რა თქმა უნდა, უნდა იმოქმედოს მომდევნო დღეებში დაწესებულმა დამატებითმა შეზღუდვებმაც.
