ლინკევიჩუსი: გრძელდება საქართველოს ტერიტორიის 20%-ის ოკუპაცია

ლიტვის საგარეო საქმეთა მინისტრი ლინას ლინკევიჩუსი რუსეთის მიერ საქართველოში შემოჭრის მე-12 წლისთავს Twitter-ზე ეხმაურება.

"12 წელი გავიდა რუსეთის წინასწარგანზრახული აგრესიიდან საქართველოს წინააღმდეგ, თუმცა ეს გაკვეთილად ვერ იქცა და აგრესია გაგრძელდა უკრაინის წინააღმდეგაც." – წერს საგარეო საქმეთა მინისტრი. 

ლინკევიჩუსი აღნიშნავს, რომ კვლავ გრძელდება მცოცავი ოკუპაცია და რუსეთის მიერ საქართველოს ტერიტორიის 20%-ის ანექსია. ლიტვა მხარდაჭერას უცხადებს საქართველოს სუვერენიტეტს და ტერიტორიულ მთლიანობას.