კობახიძე: დებატისას დამრჩა შთაბეჭდილება, რომ მწვრთნელს 7:0 აქვს მოგებული და აკრიტიკებენ

პირველი ეტაპი დასრულდა კრიზისთან ბრძოლის, პანდემიასთან ბრძოლის და ეს ბრძოლა დასრულდა ძალიან დიდი უპირატესობით, სამთავრობო გუნდის გამარჯვებით. დღეს რომ ვუსმენდი დებატს, დამრჩა შთაბეჭდილება, რომ პირველი ტაიმის შემდეგ მოგებული აქვს გუნდის ხელმძღვანელს, მწვრთნელს 7:0 და მწვრთნელს აკრიტიკებენ იმისთვის, რომ გუნდი სხვანაირად უნდა დაეყენებინა. სხვა მოთამაშე უნდა გამოეყვანა მოედანზე და ა.შ., რაც ღიმილისმომგვრელია. 7:0 არის 7:0. ამას უნდა შეეგუოს ოპოზიცია, როგორ მძიმეც უნდა იყოს ეს ანგარიში მათთვის.