მარნეულში, სოფელ ყიზილაჯლოში პოლიციის მანქანა ავტოსაგზაო შემთხვევაში მოყვა. დაშავდა ერთი პირი.
როგორც Facebook-ზე გავრცელებულ ფოტოებზე ჩანს, მანქანა გზის სავალი ნაწილიდან გადავიდა და არხში გადავარდა.
შინაგან საქმეთა სამინისტროს ცნობით, საქმეზე გამოძიება 276-ე მუხლის მეორე ნაწილით მიმდინარეობს, რაც ავტომობილის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს.