თბილისში, "თერგის" ბაზრობის ტერიტორიაზე, სავაჭრო ჯიხურებში გაჩენილი ხანძარი ლოკალიზებულია.
ტერიტორიაზე ამ დროისთვის 80-მდე მეხანძრე-მაშველი მუშაობს. მიმდინარეობს ხანძრის სალიკვიდაციო სამუშაოები.
მომხდარის შედეგად არავინ დაშავებულა. პირველადი ინფორმაციით, ცეცხლი შენობის მეორე სართულზე, სათამაშოების მაღაზიებს გაუჩნდა.
გამოძიება საქართველოს სსკ-ს 187-ე მუხლის მე-2 ნაწილით მიმდინარეობს, რაც ცეცხლის წაკიდებით ნივთის დაზიანებას, ან განადგურებას გულისხმობს.
