პრინცესა რიმა ბინტ ბანდარი აშშ-ში საუდის არაბეთის პირველი ქალი ელჩი გახდა. შესაბამის განკარგულებას მეფე სალმანმა ხელი მოაწერა.
ის პრინც ბანდარის შვილია, რომელიც ქვეყნის მთავარი დიპლომატი 22 წლის განმავლობაში, 1983-2005 წლებში იყო.
პრინცესა რიმამ უმაღლესი განათლება აშშ-ში მიიღო. ის წლების განმავლობაში აქტიურად გამოდიოდა ქალთა უფლებების დასაცავად.
2014 წელს ჟურნალმა Forbes- მა პრინცესა არაბული სამყაროს 200 ყველაზე გავლენიან ქალთა სიაში შეიყვანა.
ელჩად დანიშვნამდე ის სპორტის ფედერაციას ხელმძღვანელობდა.