Rossiya 1-ზე ვლადიმირ პუტინის შესახებ ყოველკვირეული სერიალი დაიწყო

ვლადიმირ პუტინი და სერგეი შოიგუKremlin via Reuters

ვლადიმირ პუტინი და ალექსანდერ ბორტნიკოვიKremlin via Reuters

ვლადიმირ პუტინიKremlin via Reuters

Rossiya 1-მა ვლადიმირ პუტინზე სერიალი გადაიღო, რომელიც ყოველკვირას გავა. "მოსკოვი. კრემლი. პუტინი"- ამ სახელწოდებით სერიალი 2 აგვისტოს ეთერში გავიდა.

გადაცემა ეთერში მას შემდეგ გავიდა, რაც ათასობით ადამიანმა წითელ მოედანზე საპენსიო ასაკის ზრდა გააპროტესტა.

სატელევიზიო შოუს პირველ გადაცემაში პუტინის მიერ გატარებული რეფორმები პოზიტიურად იყო ნაჩვენები, თუმცა არაფერი იყო ნათვამი იმ ხალხზე, რომლებიც ამ რეფორმებს აპროტესტებდა. ასევე აჩვენეს პუტინის მოგზაურობა ციმბირში და შეხვედრა სტუდენტებთან სოჭში.

ეპიზოდში დრო პუტინის მიერ ბავშვების მიმართ სიყვარულსაც დაეთმო. "როდესაც პუტინი ბავშვის დედასთან საუბრობს ან ბავშვს უყურებს, ნათელია, თუ რამდენად უყვარს ბავშვები მას" - ამბობს წამყვანი ვლადიმირ სოლოვიოვი.

დიმიტრი პესკოვმა, კრემლის სპიკერმა და სტუდიის სტუმარმა დაამატა, რომ პუტინს არა მარტო ბავშვები, არამედ ზოგადად ხალხი უყვარს.

ოპოზიციურმა არხმა "Dozhd" რუსეთის საზოგადოებრივი მაუწყებლის ახალი გადაცემა საბჭოთა კავშირის პერიოდის ლენინის კულტს შეადარა.