კანის საერთაშორისო კინოფესტივალი 2017 ოფიციალურად 4 საათში გაიხსნება. ფესტივალი 17 მაისიდან 28 მაისამდე გაგრძელდება.
ლეგენდარული ესპანელი რეჟისორი პედრო ალმადოვარი 2017 წლის კანის ფესტივალის ჟიურის თავმჯდომარე იქნება. ალმადოვარი კანის ფესტივალის მთავარი პრიზზე, პალმის რტოზე 5-ჯერ იყო წარდგენილი. 4-ჯერ კი კანის ფესტივალზე სხვადასხვა კატეგორიაში გამარჯვება მოახერხა.
კანის კინოფესტივალი ერთერთი ყველაზე მასშტაბური და პრესტიჟული ფესტივალია, რომელიც ყოველწლიურად ერთი კვირის განმავლობაში იმართება.
ცნობისთვის, კანის პირველი კინოფესტივალი 1946 წლის 20 სექტემბრიდან 5 ოქტომბრამდე პერიოდში გაიმართა.