კომპანია, რომელიც მიცვალებულის ფერფლისგან კერამიკულ ნივთებს ამზადებს

ბაბუის გარდაცვალების შემდეგ ჯეიმს ქროუიმ გადაწყვიტა, მისი ფერფლისგან კერამიკული ნივთი დაემზადებინა. "ამის შემდეგ მინდოდა შემექმნა ნივთები ჩემნაირი გამოცდილების მქონე ადამიანებისთვის", - ჰყვება ქროუი. მან კომპანია Chronicle Cremation Designs შექმნა. 

ქროუი კერამიკის შესაქმნელად ფერფლს, წებოს და სხვა მინარევებს იყენებს. ფასი 190-დან 700 დოლარამდე მერყეობს.

ჯეიმს ქროუიმ ბიზნესი ოქტომბერში დაიწყო და ამ დროისთვის, როგორც ჰყვება, სხვადასხვა ადამიანის მშობლების, და-ძმის, ბავშვების და საყვარელი ცხოველებისგან 35-მდე ნივთი შექმნა. მისი თქმით, ყველაზე პოპულარული შანდალია.

ერთმა მყიდველმა ქროუის უთხრა: "ერთი სული მაქვს, დილაობით ჩემს დასთან ერთად ყავას როდის დავლევ. ძალიან მენატრება".