ნიუ-იორკის 2001 წლის 11 სექტემბრის ტერაქტების სერიის შემდეგ 15 წელი გავიდა. 15 წლის წინ, ადგილობრივი დროით 08:45 საათზე ალ-კაიდას მიერ გატაცებული სამგზავრო თვითმფრინავი "ბოინგ 757" ნიუ-იორკის მსოფლიო სავაჭრო ცენტრის (ე.წ. ტყუპები) ერთ-ერთ კოშკს გამიზნულად დაეჯახა. 18 წუთის შემდეგ კი კიდევ ერთი გატაცებული თვითმფრინავი "ტყუპების" მეორე ცათამბჯენს დაეჯახა, რაც მსოფლიომ პირდაპირ ეთერში ნახა.
ნიუ-იორკის თავდასხმების შემდეგ, ადგილობრივი დროით 09:43-ზე, მესამე გატაცებული თვითმფრინავი ვაშინგტონში, თავდაცვის სამინისტროს შენობას (პენტაგონი) დაეცა. ხოლო მეოთხე ბოინგმა, რომლის სამიზნე, სავარაუდოდ, თეთრი სახლი ან კონგრესის შენობა იყო, დანიშნულების ადგილს ვერ მიაღწია და პენსილვანიაში ჩამოვარდა.
9/11 ტერაქტის შედეგად 3000-ზე მეტი ადამიანი დაიღუპა მსოფლიოს 86 ქვეყნიდან. დაშავდა ათობით ათასი ადამიანი.
