პორტუგალიის კუნძულ მადეირაზე ტყის ხანძარს ებრძვიან. ხანძარი უკვე კუნძულის დედაქალაქ ფუნშალშიც გავრცელდა, სადაც მან სამი ადამიანის სიცოცხლე იმსხვერპლა. ადგილზე საგანგებო მდგომარეობაა გამოცხადებული, ევაკუირებულია 1000-ზე მეტი მაცხოვრებელი. ხანძარს 3 200-ზე მეტი მეხანძრე და ადგილობრივი მოსახლეობა ებრძვის.
მეხანძრეები მადეირას ჩრდილოეთ რეგიონებში ხანძრის 109 კერას ებრძვიან. ცეცხლი მაღალმა ტემპერატურამ გამოიწვია. კუნძულზე უკვე რამდენიმე დღეა, ტემპერატურა 35 გრადუსზე მაღალია.
