ტერორისტული სამხედრო დაჯგუფება "ისლამური სახელმწიფო" მორიგ ვიდეომიმართვას ავრცელებს. მიმართვაში ნათქვამია, რომ დაჯგუფება ძალიან მალე დაესხმება თავს რუსეთს.
დაჯგუფების პროპაგანდულმა მედიამ Al Hayat Media Center-მა ვიდეომიმართვა რუსულ ენაზე გამოაქვეყნა და ინგლისური ტიტრები დაადო. ვიდეო შეიცავს მედიაგამოცემა Charlie Hebdo-ზე თავდასხმის კადრებს. ამასთან, მუქარაში საუბარია კრემლის აღებისა და კავკასიის დაბრუნების შესახებ.
"მალე, ძალიან მალე, სისხლი დაიღვრება ოკეანესავით", - ამბობენ ვიდეოში.
ე.წ. ისლამური სახელმწიფო ცოტა ხნის წინ აშშ-საც სამაგიეროს გადახდით დაემუქრა.