საკონსტიტუციო სასამართლოში ტელეკომპანია რუსთავი 2-თან დაკავშირებით ძმები ყარამანიშვილებისა და TV საქართველოს სარჩელის წარმოებაში მიღებაზე მსჯელობა ხვალ გაგრძელდება. განხილვა 12:00 საათზე დაიწყება. სავარაუდოდ, სასამართლო გადაწყვეტილებას ხვალვე გამოიტანს.
დღეს მოსარჩელეებსა და მოპასუხე - პარლამენტს უსმენდნენ. სხდომა კითხვა-პასუხის რეჟიმში მიმდინარეობდა.
ხვალინდელ პროცესზე სამართლის დოქტორს, გია ლილუაშვილს მოუსმენენ. დღეს საკონსტიტუციო სასამართლომ რუსთავი 2-ის სარჩელთან დაკავშირებით პარლამენტის წარმომადგენლის შუამდგომლობა სპეციალისტის მოწვევის შესახებ დააკმაყოფილა.
მოსარჩელეები იმ ნორმის შეჩერებას ითხოვენ, რომლის საფუძველზეც მოსამართლე თამაზ ურთმელიძემ ტელეკომპანიას დროებითი მმართველები დაუნიშნა.
