თბილისის მერმა დავით ნარმანიამ თბილისის ახალგაზრდულ ოლიმპიურ ფესტივალზე მოსკოვის მერი სერგეი სობიანინი დაპატიჟა. თბილისის მერიიდან მოსკოვში ოფიციალური წერილი პირველ ივლისს გაიგზავნა.
"ძვირფასო ბატონო სერგეი სობიანინ, ჩემთვის დიდი პატივია, თქვენი და ორი თანმხლები პირის თბილისის ახალგაზრდულ ოლიმპიურ ფესტივალზე დაპატიჟება, რომელიც თბილისში 26 ივლისიდან, 1 აგვისტომდე გაგრძელდება."- წერია თბილისის მერის წერილში.
სამოქალაქო საზოგადოების ნაწილის შეფასებით იმ ფონზე, როდესაც რუსეთი მცოცავ ოკუპაციას აგრძელებს საქართველოს მხრიდან მსგავსი ნაბიჯების გადადგმა მიუღებელია.
