ISIS-ის ლიდერი აბუ ბაქრ ალ-ბაღდადი დაჭრილია და დროებით დაჯგუფების მმართველობას ჩამოშორებულია. ამის შესახებ ინფორმაციას დასავლელი დიპლომატები ავრცელებენ.
ალ-ბაღდადი 18 მარტს კოალიციური ძალების მიერ განხორციელებული ავიაიერიშის დროს დაიჭრა. თავდაპირველად მის სიცოცხლეს საფრთხე ემუქრებოდა, რის გამოც ისლამური სახელმწიფო ახალი ლიდერის არჩევასაც გეგმავდა. თუმცა ახლა ალ-ბაღდადი მკურნალობის კურსს გადის და ბოლო პერიოდში მისი ჯანმრთელობის მდგომარეობა გაუმჯობესდა.
